Aktualitet

Patozi nis fushatën në Elbasan: Ata që përdorën “Ditën e Verës” nuk mund të jenë zgjidhja

Nga A | 17 March, 2021 11:12

Koordinatori i Bindjes Demokratike, Astrit Patozi, shpalli nisjen e fushatës në Elbasan, pas një takimi me të gjithë kandidatët për deputetët të këtij Qarku në një prej hoteleve të qytetit.

Patozi tha mes të tjerash se lista e Bindjes Demokratike në Elbasan përfaqëson më shumë se kudo tjetër etjen dhe vrullin e rinisë shqiptare për ndryshim, në një kohë depresioni politik të shkaktuara nga forcat e vjetra politike.

“Në asnjë qark tjetër nuk kemi një lisitë me kaq shumë kandidatë të rinj sa këtu, dhe unë kam bindjen se ky do të jetë celësi i suksesit tonë në Elbasan.

Ne kthehemi në këtë qytet dy ditë pas atij incidenti të shëmtuar gjatë festimeve të Ditës së Verës, kur ende nuk është shuar jehona e asaj shijeje të keqe, që ajo la, jo vetëm për qytetarët e Elbasanit. Dhe të mendosh që kjo festë në qytetin tuaj ka 200 vjet që festohet dhe kurrë nuk kishte ndodhur diçka e tillë.

Jo më kot një nga televizionet e Tiranës raportoi në edicionin e saj të lajmeve që e vetmja parti normale që u shfaq në Elbasan për ditën e verës ishte Bindja Demokratike.

Në fakt, ne nuk bëmë asgjë për t’u shënuar dhe as për t’u mburrur, thjesht respektuam qytetin dhe festën e ditës së verës. Por puna është se ata që u kacafytën i dhanë një provë tjetër Shqipërisë se përfaqësojnë politikën e degraduar të dekadave të fundit, e cila nuk mund të jetë zgjidhja, por është problemi. Ndaj edhe është fare pa vlerë përpjekja e tyre për t’ia hedhur fajin njëri-tjetrit, sepse janë njësoj si në mendësi, ashtu edhe në sjelljen e vet politike.

Bindja Demokratike po shkon në këto zgjedhje si alternativa e tretë për shqiptarët e shumtë që po presin ndryshimin dhe jo thjesht rotacionin më 25 prill.

Projekti ynë transformues, integriteti i lartë moral dhe politik i 153 kandidatëve, si dhe lista 100 përqind e hapur, na bëjnë të jemi oferta më e mirë për shqiptarët në këto zgjedhje”, përfundoi Patozi.

Ndërkohë, udhëheqësi i listës së kandidatëve, zoti Erjon Murataj, tha se për 30 vite Shqipëria është udhëhequr nga një politikë “shterpë”, e cila ka sjellë vetëm prapambetje, progress reporte të nxira, 30 vite tranzicion dhe sot nuk kanë se çfarë të ofrojnë më. Ai u shpreh se pas këtij zhgënjimi, Bindja Demokratike, veçanërisht Astrit Patozi, u dha mundësinë njerëzve të thjeshtë, që të jenë përfaqësues të vendeve nga ata vijnë, për ndryshimin e Shqipërisë. Zoti Murataj tha së fundmi se me shumë punë edhe dëshirë ata do të arrijnë të jenë drejtues të politikës.

Takimi u mbyll me ceremoninë e nënshkrimit të angazhimit solemn për respektimin e listës së hapur, ku të gjithë kandidatët firmosin, që mandati i shkon atij që merr më shumë vota preferenciale se të tjerët, pavarësisht numrit të tyre në listë.

Share! Facebook Twitter Whatsapp

Leave a Reply

Your email address will not be published. Required fields are marked *

Aktualitet

Ministri britanik i Shëndetësisë: Qëndroni të qetë dhe vazhdoni vaksinimin me AstraZeneca

Ministri britanik i Shëndetësisë, Matt Hancock kërkoi sot të vazhdohej procesi i vaksinimit kundër COVID-19 me AstraZeneca, duke siguruar se nuk kishte prova se ajo shkaktonte mpiksje gjaku. Përdorimi i kësaj vaksine u pezullua si masë parandaluese nga disa vende të shqetësuara për efekte të mundshme anësore. “Nuk ka prova që këto vaksina kanë shkaktuar […]

17 March, 2021 13:40 | 0 Komente
Aktualitet

LETRA/ Basha nuk e kandidoi në Vlorë, Këshilltari i Sigurisë në PD jep dorëheqjen. Gjeneral Ahmetaj: Sekserët kanë pushtuar të djathtën

Ish-këshilltari i sigurisë kombëtare pranë PD Piro Ahmetaj ka dhënë dorëheqjen nga ky funksion. Ahmetaj ka kërkuar dorëheqjen e parevokueshme nga detyra përmes një letre drejtuat strukturave të PD-së. Në letrën drejtuar kreut te PD Lulzim Basha, Ahmetaj shpreh ndjesën për të gjithë ata që mund të ketë lënduar ose zhgënjyer me këtë akt. Ai shpreh […]

17 March, 2021 13:23 | 0 Komente
Aktualitet

Asgjë nuk është siç duket: Kulisat e fushatës, nga Meta te Basha

Fushata për zgjedhjet e 25 prillit, si kurrë ndonjëherë po shfaqet si një fushatë atipike dhe e tillë do të jetë deri në fund. Një fushatë e kondicionuar nga pandemia dhe rregullat anti-Covid, por edhe një fushatë ku nuk kemi vetëm dy palët në garë, ata në pushtet dhe ata në opozitë, por shumë faktorë […]

17 March, 2021 13:19 | 0 Komente
Aktualitet

Sadiku në histori, shqiptari i parë në Copa Liberatores

Transferimi në Bolivinë e largët i befasoi të gjithë. Por, Armando Sadiku hyn në histori, si futbollisti i parë shqiptar që luan në Copa Libertadores. Sulmuesi debutoi në turneun që është ekuivalent i Champions në Amerikën Latine, në fitoren 5-0 që skuadra e tij, Bolivar regjistroi përballë uruguaianëve të Wanderers, duke siguruar një biletë në […]

17 March, 2021 13:15 | 0 Komente
Aktualitet

ANALIZA: Serbisë dhe Malit të Zi u ofrohet rrugë më e shkurtër për në BE

Në Bashkimin Evropian janë duke vazhduar përgatitjet që Mali i Zi dhe Serbia të përfshihen në metodologjinë e re të zgjerimit të bllokut, që ishte miratuar në shkurt të vitit 2020. Në një dokument të brendshëm, të përgatitur nga Komisioni Evropian për shtetet anëtare, janë paraqitur hapat përmes së cilave edhe Mali i Zi dhe […]

17 March, 2021 13:04 | 0 Komente
© 2021 Gazeta Tema. All Rights Reserved
Copy Protected by Chetan's WP-Copyprotect.